Monday, March 17, 2008

പഠിപ്പ് ജോലിക്കോ

വിദ്യാഭ്യാസം ചെയ്യുന്നത് ജോലി ഉന്നം വെച്ചായിരിക്കെരുതുന്ന അഭിപ്രായക്കാരനാണ് ഞാന്‍.
വിദ്യാഭ്യാസത്തിലൂടെ നേടിയ ഒരാളുടെ അറിവ്‌ തന്‍റ്റെ തൊഴിലില്‍ ഉപയോഗപ്പെടുത്താനാവുമ്പോള്‍ അയാളുടെ പ്രവര്‍ത്തനക്ഷമത വര്‍‌ദ്ധിക്കുമെന്നത് യാഥാര്‍ത്ഥ്യം.അത് താല്‍‌പര്യമുള്ള മേഖലയാണെങ്കില്‍ ഈ പ്രവര്‍ത്തനക്ഷമത വീണ്ടും കൂടുന്നു. ഇതറിയുന്ന തൊഴിലുടമകളുടെ ചൂഷണവും, തൊഴില്‍ ലക്‌ഷ്യമാക്കി വിദ്യ അഭ്യസിക്കുന്നവരും കൂടിയാണ് തരം തിരവിനുപകരം തൊഴിലുകളെ തട്ടുകളിലാക്കിയത് .

അതുകൊണ്ടുതന്നെയാണല്ലോ ബി.എ ക്കാരാന്‍ ബസ്സിലെ കണ്ടക്ടര്‍ ആയാലും അല്ലെങ്കില്‍ ആട്ടോ ഡ്രൈവര്‍ ആയാലും ഒന്നുകില്‍ സഹതാപം അല്ലെങ്കില്‍ അതിശയവുമുണ്ടാകുന്നത്.

ഒരു കാര്‍ഷിക മേഖലയായ കേരളത്തില്‍ കര്‍‌ഷകന്‍ പരാജയപ്പെടാതെ കൃഷി ഒരു ലാഭകരമായ തൊഴിലായിരുന്നെങ്കില്‍ എത്ര പേര്‍ ബി.എ ക്ക് പോകുമായിരുന്നു?

അറിവായിരിക്കണം പഠനത്തിന്‍‌റ്റെ ലക്‌ഷ്യം.

Saturday, March 15, 2008

അംഗീകാരം

അംഗീകരിക്കാന്‍
രണ്ട് പേര്‍ക്കേ പറ്റൂ,
അധികാരമുള്ളവനും
ആത്മവിശ്വാസമുള്ളവനും

രണ്ടൊന്നുകളെ
ഒന്നുകളായിക്കാണാന്‍
വിശ്വസ്ഥത മാത്രം പോരാ,
വിശാലതയും വേണം.