Tuesday, September 04, 2007

വിടുവായത്തം

എന്തൊക്കെയോ പിറുപിറുത്തുകൊണ്ടണയാള്‍ മുന്നില്‍ വന്നത്‌.
"എന്തെ , എന്തുപറ്റി"
"ദാ , ന്യൂസ്‌ കണ്ടില്ലേ , നമ്മുടെ നാടിനെ ഇവര്‍ കുട്ടിച്ചേറാക്കും ,
മരം മുറിക്കുന്നു , പുഴയില്‍ മണല്‍ എന്ന സാധനമേയില്ല ,എല്ലാം നശിപ്പിക്കും"
"താങ്കള്‍ വീട്‌ വെച്ചുവോ?"
എന്‍റ്റെ അസ്ഥനത്തുള്ള ചോദ്യം അയാളെ തെല്ലമ്പരപ്പിച്ചു.
"പണി നടക്കുന്നേയുള്ളൂ , വാര്‍ക്കല്‍ അടുത്ത മാസമാണ്‌"
"ഉം , വാതിലുകള്‍ക്ക്‌ ഇരുമ്പും ഉപയോഗിക്കാം , നല്ല ഉറപ്പും കിട്ടും"
എന്തോ ആലോചിച്ചു , തല ചൊറിഞ്ഞ്‌ അയാള്‍ നടന്നുനീങ്ങി ,
ഞാന്‍ എതിരിലേക്കും.