നാട്ടില്‍ പോകുന്നതിനു മുമ്പ് തീരുമാനിച്ചതായിരുന്നു തിരികെ വന്നിട്ടൊരു പുതിയ ടി.വി വാങ്ങാന്‍. പ്ലാസ്മയും എല്‍.സി.ഡി. യും തമ്മിലുള്ള മത്സരത്തില്‍ എല്‍.സി.ഡീ വിജയിച്ചു. ബ്രാന്‍‌ഡുകള്‍ കൂടുതല്‍ ഉള്ളതിനാല്‍ സ്വാഭാവികമായും മത്സരത്തിന്‍‌റ്റെ കാഠിന്യവും കൂടി. സുഹൃത്ത്‌ക്കളുടെ വാക്കുകളും , നെറ്റിലെ റേറ്റിങ്ങും , USB input അടക്കം നല്ല സ്പെസിഫിക്കേഷന്‍ സോണിയുടേ ബ്രാവയേയും പിന്നിലാക്കി L.G യില്‍ തന്നെ ഉറച്ചു നിര്‍ത്തി.
വാങ്ങാന്‍ പോകുമ്പോള്‍ ഒരു കൂട്ടായാണ് പച്ചാനയും ഒപ്പം വന്നത് ഷൊറൂം ഡിസ്പ്ലേയില്‍ വാങ്ങാന്‍ പോകുന്ന ടി.വി കണ്ടവള്‍ അവള്‍ മുഖം ചുളിച്ചു. സ്ക്രീനിന് നാലുവശത്തുമുള്ള കറുത്ത ഫ്രേമില്‍ ,അടിഭാഗത്തെ, കൂടിയ വിഡ്ത്താണ് അവളുടെ താത്പര്യക്കുറവിന് കാരണമെന്നെനിക്ക് മനസ്സിലായി. മറ്റുബ്രാന്‍ഡുകളെ അപേക്ഷിച്ചതുശരിയാണെങ്കിലും സ്പെസിഫിക്കേഷനും മൈന്ഡ് സെറ്റും മാറാന്‍ മനസ്സനുവദിച്ചില്ല.
സോണിക്കും , ഹിറ്റാച്ചിക്കും , സാംസങ്ങിനുമൊക്കെ ഫ്രേമുകള്‍ക്ക് നാലു വശത്തും കുറവ് വിഡ്ത്തുള്ള ഫ്രെയിം കാഴ്ചക്ക് നല്ല ഭംഗി തരുന്നുണ്ട് അതായിരുന്നു അവളെ അവയിലേക്കടുപ്പിച്ചതും.
കാഴ്ചയിലല്ല , ഉപയോഗത്തിലാണ് പ്രധാനമെന്നും മറ്റുള്ളവയില്‍ നിന്നും എല്‍.ജിക്കുള്ള ഗുണങ്ങള്‍ വിവരിച്ചെങ്കിലും അവള്‍ ഇഷ്ടം മാറ്റിയില്ല.വെറും ഒരു USB ക്ക് വേണ്ടി 700 Dirham കളയുന്നത് മണ്ടത്തരമാണെന്നും , ഇന്നത്തെ പുതിയ ടെക്നോളജി നാളത്തെ പഴയ ടെക്നോളജിയായി മാറുമെന്നും ഒക്കെ ന്യായീകരണം പറഞ്ഞവളെന്നെ ബ്രെയിന്‍ വാഷ് ചെയ്തു. തുടര്‍ന്ന് അവള്‍ക്കൊപ്പം അഭിപ്പ്രായം പ്രകടിപ്പിച്ച് സെയില്‍സ്മാനും കൂടിയപ്പോള്‍ ട്രോളിയില്‍ കയറിയത് , സാംസങ്ങ്.വീട്ടിലേക്കുള്ള വഴിയിലും എന്റെ മനസ്സില്‍ നിന്നും L.G മാറിയില്ല ഓണ്‍ ചെയ്തപ്പോള്‍ ഞാന്‍ മനസ്സില്‍ കണ്ട ഒരു ക്ലാരിറ്റി എനിക്ക് കിട്ടാത്തതുപോലെ തോന്നി തുടര്‍ന്നെനിക്ക് ഉറക്കം നഷ്ടപ്പെട്ടു.
രണ്ടാദിവസം കസ്റ്റമര്‍ കെയറില്‍ വിളിച്ച് കാര്യം പറഞ്ഞു , പച്ചാന സ്കൂളില്‍ നിന്നും വരുന്നതിനുമുമ്പ് സാംസങ്ങ് തിരിച്ചു കൊണ്ടുപോയി , വ്യത്യാസമുള്ള പണവും കൊടുത്ത് ആദ്യം കരുതിയിരുന്ന L.G യുടെ സ്കാര്‍ലെറ്റ് വാങ്ങി.ട്രോളിയില്‍ ടി.വി കയറ്റി നടക്കുമ്പോള്‍ ,സെയിത്സ്‌ മാന്‍‌റ്റെ തിരിച്ചറിവ്‌,
" ആക്ച്ച്വലി സാറിന്‍‌റ്റെ മൈന്ഡ് സെറ്റ് അന്നെ ഞാന്‍ മനസ്സിലാക്കീ പിന്നെ മകള്‍ പറഞ്ഞപ്പോള്‍... വാങ്ങാന്‍ വരുമ്പോള്‍ ഒരു തീരുമാനമുണ്ടെങ്കില്‍ അതൊരിക്കലും മാറ്റരുത്"
പിന്നെ എന്തിനാടാ പഹയാ ഇതൊക്കെ എന്നെക്കൊണ്ട് ചെയ്യിപ്പിച്ചതെന്ന് ഞാന്‍ തിരിച്ചു ചോദിച്ചില്ല.
"ഓ..എന്താ L.G ടി.വിയുടെ ഒരു ക്ലാരിറ്റി , യു.എസ്‌. ബി ഇന്‍പുട്ടും ഉണ്ട് ,മറ്റവനായിരുന്നെങ്കില്‍!..ഭാഗ്യം"എനിക്കെന്റെ ഉറക്കവും തിരിച്ചുകിട്ടി.
******************
എന്ത് സാധനം വാങ്ങാന്‍ പോകുമ്പോളും , ആദ്യം തീരുമാനമുണ്ടോ , സ്വയം ബോധ്യത്തോടെയല്ലാതെ ബാഹ്യ ഇടപെടലുകള്‍ക്ക് വിധേയമായി മാറ്റരുത് , ഉറക്കം നഷ്ടപ്പെടും തീര്‍ച്ച.
********************
Subscribe to:
Post Comments (Atom)
2 comments:
ഇനി പച്ചാന ഉറക്കം പോയെന്നു പറഞ്ഞ് പോസ്റ്റിട്ടാ എന്തു ചെയ്യും?
ഇത്പോലെ ഒരു അക്കിടി എനിക്കും പറ്റീട്ടുണ്ട്, കൂട്ടുകാരിയുടെ സെലക്ഷന്‍ സ്വീകരിച്ച് വാങ്ങിയ ചപ്പലിപ്പോഴും എന്നെനോക്കി ചിരിക്കാറുണ്ട്, ആചപ്പല്‍ കാണുമ്പോഴെനിക്ക് നിരാശയാണ് തോന്നാറുള്ളതെങ്കിലും ഞാന്‍ ഭദ്രമായി സൂക്ഷിച്ചിവെച്ചിട്ടുണ്ടത്.. എന്നെങ്കിലുമൊരിക്കല്‍ നാട്ടില്‍ പോകുമ്പോള്‍ ഒരാളെ പിരിച്ച് വിടാന്‍ ഇത് തന്നെ ധാരാളം....
ഞാന്‍ ഇങ്ങിനെ ആശ്വസിക്കുമ്പോഴും എന്റെ ഹസ്സിന്ന് യാതൊരു പ്രതീക്ഷയുമില്ല. അദ്ദേഹം പറയുന്നത് ‘റൂമിനടുത്തുള്ള പച്ചപ്പെട്ടിക്കരികില്‍ കൊണ്ട് വെച്ചാല്‍ ആവശ്യക്കാര്‍ എടുത്തോണ്ട് പൊയ്ക്കോളും,നാട്ടിലെ പ്രിയപ്പെട്ടവര്‍ക്ക് കൊടുത്ത് അവരുടെ കാല്‍ നോട്ടക്കാരിയായി മാ‍റണോ ’എന്നാണ്.
75 റിയാല്‍ നഷ്ടമായതിന്റെ വേദനയല്ല എനിക്കുള്ളത്, അതിന്റെ കൂടെ മറ്റൊരണ്ണം കൂടി വാങ്ങിയിരുന്നു സ്ലെക്ട് ചെയ്ത കൂട്ടുകാരിക്ക് ഗിഫ്റ്റ് കൊടുക്കാന്‍..!
സത്യം പറയാലോ.. അതെന്നെ ...........(ബാക്കി ഞാന്‍ പറയണ്ടല്ലോ)
Post a Comment